Jerusalem, 4 Pebrero, 2026 (TPS-IL) — Inatake at napatay ng IDF (Israel Defense Forces) kasama ang Shin Bet (Israel’s anti-terror General Security Service) kaninang araw (Miyerkules) si Ali Razaina, isang Terorista na nagsilbing kumander ng brigada ng Islamic Jihad terrorist organization sa Hilagang Gaza Strip. Ayon sa IDF, ang pagpatay kay Razaina ay bilang tugon sa paglabag sa ceasefire agreement na naganap kagabi.
Bilang bahagi ng kanyang tungkulin, si Razaina ang responsable sa pagpapakalat ng mga terorista ng Hamas at sa plano ng pagtatanggol ng Northern Gaza Brigade sa Islamic Jihad. Bukod dito, siya rin ang nakipag-ugnayan sa teroristang organisasyon ng Hamas upang isulong at isagawa ang mga plano ng terorismo laban sa mga pwersa ng IDF.
Sa buong digmaan, si Raziana ang namamahala sa mga Israeli na hawak na bihag ng Islamic Jihad sa hilagang Gaza Strip, at mula nang magkabisa ang ceasefire agreement, nagtrabaho siya upang muling patatagin ang Northern Gaza Brigade.